So nato quand rint all’autobus e giuvan facevan assittá na vicchiarella o na signora incinta o a n’omm fatt! E si a signora e
copp, int ‘o purton, saglieva cu fatica a rariata, tu le currivi appriess e l’aiutavi; e quand nn’anz ‘a port a salutav, pe ricumpenza t’abbastav un “Grazie! Puozz aunná comm aonna ‘o mare! Biata chella mamma ca te fatt”! Nun eran munete o caramelle…ma eran care e ddoce comm ‘o mele!
So nato rint ‘a nu quartiere, addó ce stev ‘a famm e ‘a malavita, ma addó si na Monaca passava, pur ‘a puttan, accummigliann ‘o scuorn, cu ll’uocchi ‘nterra le vasava ‘a mana! E si passava ‘o Prevete pa’ via, cercavano perdon sti guaglione, comm a tante Filumena Marturano!
So nato e so crisciuto miez ‘a via, ma ‘o Patatern m’ha scampat ‘a fossa, facennem Ministro dell’Altare! Iss ‘o sapev ca me sarría perduto…e allora, comm ‘o figlio cerca ‘a mamma, facette spuntá fiori a int ‘a lutamma!
Ma fece un Patto cu stu fior strano: “Ricuordati pe semp chi si stat; ricuordati ré vecchie, ré criature; ricuordati re Monache e da gente!
Ricuordati ré scale e da signora; ricuordati ré miseri, ‘e puttan…
Si mo si Prevet, nun è per vanagloria e manco pecchè tu si meglio ‘e ll’ati!
Si mo si fiore, nun è pe da cundann…ma p’esser Odore mio rint ‘a lutamm!”
(Anonimo Napoletano)
